Moroccan talk

كاين واحد النوع لي سكوتي بزاف .. و هضرتو مع الناس قليلة .. الا حالفك الحظ و هضرتي معاه .. ف هو غادي يقوليك السلام فقط .. او يرد على هضرتك ب اه او لا .. ديما شي حاجة فوق راسو .. سواءا كاسكيط او طاگية .. او اي حاجة عندها القب .. تقدر تغطي راسو .. متميز عن البقية .. ب اللباس .. او قصة شعر .. او وشم .. هذ النوع غامض .. ما كتقدرش تقراه .. كيكره انه يلامس شي واحد .. ولو عن غير قصد .. حادر راسو و كيتمشى ف جنب الحيط .. رغم انه حادر راسو .. لكن هو شايف كلشي .. و عارف كلشي .. عارف ك ل شخص اشنو تحت راسو .. و عارف الهضرة لي تحت لسانك قبل ما تقولها .. الموسيقى ما كتفارقش ودنيه .. علاقتو بالهاتف ديالو قويا بزاف .. مثل علاقة طفل صغير ب الأم ديالو .. و كيعتابر التيليفون احسن رفيق ليه .. الا مشا حتى انتهت البطارية ديالو .. ما كيعجبوش الحال .. و كيولي انسان اخر .. كيتخنق مثل اختناق الهاتف ديالو .. و ما كترجع ليه الروح حتى يشارجيه .. هذي هضرة قريبة للخيال .. لكنها حقيقة .. كيعيشها هذ النوع ديال الناس .. لي ما كيقدروش يعيشو حياة نمطية .. حياة بحالهم بحال الناس الاخرين .. ماشي حيث هد الشخص معقد .. ا...

نك تعيش بمنطق الأسف عوض الحزن، هي أنك تولي كل ما مر بك حدث سيء فحياتك تستقبلو بابتسامة أسف مستسلمة للواقع.. أنك تعيش على توقع الأسوء دائما و تكتفي من داك التفاؤل الغبي لي يخليك تبني سقف توقعات عالي فحياتك، و فنفس الوقت تخلص من التشاؤم و النظرة السوداوية لي كتخليك مركز فقط على الجانب السيء فالحياة و مصر تمشي فالضلمة مهما بانو فطريقك نقاط ضوء. أنك تعيش بمنطق الأسف معناه التخلص من ديك نزعة التطرف لي كنتبلاو بيها ففترة من حياتنا: إما أنك تكون ابراهيم الفقي و تقولي الغد أجمل، أو أنك تكون قمة فالتشاؤم و تعيش بمبدأ الحياة جحيم. الأسف كيعني أنو أنا ايه مدرك جيدا لكل السوء و البشاعة لي فالحياة و متوقع كاع الأقدار الخايبة لي ممكن نلقاها فحياتي، و لكن هذا لا يمنع أني ناخذ الحياة كتجربة اثبات لنفسي خصني ننجح فيها قدام راسي و نحرص على اغتنام لحظاتها الزوينة لي أنا كنشوفها المكافأة الوحيدة على كل ما سنلقاه من حزن. ديك الابتسامة لي كتبتسمها و انت كتستقبل خيبة امل، برودك و لامبالاتك قدام حاجة ستنيتيها بزاف و ماجاتش، انسحابك الهادئ من حاجة بدلتي فيها أقصى جهدك باش تنجح و مكملاتش.. اللقطة لي كضحك باسته...

ديك الخنقة لي كاتجيك مع ٤ ديال الصباح، و كاتفيقك نتا من دون الناس كاملين لي ناعسين، و كاتشنقك عليك بيديها بجوج، كاتبغي تخرج ليك روحك، كاتبغي تمنعك من أنك تتنفس، كاتخليك تكره راسك و حياتك و ناسك و بلاصتك، كاتخليك تكره أي حاجة كاتخصك.. ديك الخنقة لي كاتجيك بلا سبب، من غير أنك جمعتي بزاااف و بزاف، و تحملتي كثر من طاقتك، و صبرتي على شي حوايج مايمكن لحتا شي واحد يصبر عليهم، و خبيتي مشاعر ماكانش خاصك تخبيهم، و بينتي مشاعر آخرين ماكانش خاصك تبينهم.. ديك الخنقة لي كاتجيك باش تعاقبك على غلطك الوحيد، لي هو أنك عطيتي و نتا ماعندكش، و نافقتي راسك و كدبتي على راسك، غلطك لي هو أنك كنتي كاتحاول تبين للعالم أنك إنسان سعيد بزااف فحياتو و راضي بيها، فالوقت لي كنتي فيه أتعس إنسان بيناتهم كاملين، و فالوقت لي كنتي فيه كاتدوز أكفس أيام حياتك.. ديك الخنقة لي كاتجيك، باش ماتبقاش تجيك، خاصك تفيق، خاصك تنوض، خاصك تقرر، و نتا بوحدك غادي تعرف شنو خاصك تقرر، بوحدك ! 💔